பார்ட்டிக்கு சென்றாரா ராகுல் காந்தி? – காங்கிரஸ் விளக்கம்

ராகுல் காந்தி பார்ட்டியில் கலந்து கொண்டதாக வீடியோ வெளியான நிலையில், காங்கிரஸ் பொதுச்செயலாளர் விளக்கம் அளித்துள்ளார்.

காங்கிரஸ் முன்னாள் தலைவரும், எம்பியுமான ராகுல்காந்தி நேபாளத்தில் க்ளப் ஒன்றில் பார்ட்டியில் உல்லாசமாக இருப்பது போன்ற வீடியோ ஒன்று இணையதளத்தில் வைரலாக உலா வருகிறது. ராகுல் காந்தி பார்ட்டி ஒன்றில் கலந்துகொண்டதாக வீடியோ ஒன்றை பாஜகவினர் வெளியிட்டதாக தகவல் கூறப்படுகிறது. மேலும், பாஜக மூத்த தலைவர்கள் அமித் மாள்வியா உள்ளிட்டோர் இந்த வீடியோவை பகிர்ந்து ராகுல் காந்தியை கடுமையாக விமர்சனம் செய்து வருகின்றனர்.

இந்த நிலையில், ராகுல் காந்தி பார்ட்டி ஒன்றில் கலந்துகொண்டதாக வீடியோ ஒன்று வெளியானதை அடுத்து, காங்கிரஸ் தரப்பில் விளக்கமளிக்கப்பட்டுள்ளது. காங்கிரஸ் எம்பி ராகுல் காந்தி நேபாளம் நண்பர் ஒருவரின் திருமணத்தில் பங்கேற்க சென்றுள்ளார் என்றும் திருமண கொண்டாட்டத்தில் கலந்துகொள்வது இந்தியாவில் இன்னும் குற்றமாக்கப்படவில்லை எனவும் பொதுச்செயலாளர் ரந்தீப் சிங் சுர்ஜேவாலா காட்டமாக தெரிவித்துள்ளார். . அந்த திருமண விழாவில் ராகுல் காந்தி நிற்கும் வீடியோதான் இப்படி வைரலாகி வருகிறது என்பது குறிப்பிடத்தக்கது.