ஜப்பானில் நடைபெற்று வந்த பான்பசிபிக் ஓபன் டென்னிஸ் தொடரின் பெண்கள் ஒற்றையர் இறுதிப் போட்டி நேற்று நடைபெற்றது. இதில், ஜப்பான் வீராங்கனை நவோமி ஓசாகா, ரஷியாவின் அனஸ்டாசியா பாவ்லிசென்கோவாவ் மோதினார்கள்.
69 நிமிடம் நடந்த இந்த ஆட்டத்தில் நவோமி ஒசாகா 6-2, 6-3 என்ற நேர்செட்டில் பாவ்லிசென்கோவாவை தோற்கடித்து சாம்பியன் பட்டத்தை கைப்பற்றினார். 2016, 2018-ம் ஆண்டுகளில் இந்த போட்டியில் 2-வது இடம் பிடித்த நவோமி ஒசாகா சொந்த மண்ணில் முதல்முறையாக பட்டத்தை வென்றுள்ளார். இந்த ஆண்டில் நவோமி ஒசாகா வென்ற 2-வது பட்டம் இதுவாகும்.
சாம்பியன் பட்டம் வென்ற நவோமி ஓசாகாவுக்கு 470 தரவரிசை புள்ளியுடன் ரூ.1 கோடி பரிசு தொகையும் வழங்கப்பட்டது. 2-வது இடம் பெற்ற பாவ்லிசென்கோவா ரூ.54 லட்சம் பரிசு தொகையாக வழங்கப்பட்டது.
