இந்த ஆண்டின் இறுதி கிராண்ட்ஸ்லாம் டென்னிஸ் தொடரான அமெரிக்க ஓபன் டென்னிஸ் தொடரின், இன்றைய காலியிறுதி போட்டியில் முன்னணி வீரரான ஸ்பெயினின் ரபெல் நடால், அர்ஜெண்டினாவின் டியாகோ சுவர்ட்ஸ்மேன் மோதினார்கள்.
2 மணி நேரம் 46 நிமிடங்கள் நீடித்த இந்த போட்டியில் 6-4, 7-5, 6-2 என்ற நேர் செட்டில் டியாகோவி வீழ்த்தி நடால் வெற்றி பெற்றார். இதன் மூலம் அவர் 8 வது முறையாக அமெரிக்க ஓபன் டென்னிஸ் தொடரின் அரையிறுதிக்கு முன்னேறியுள்ளார்.
மற்றொரு காலியிறுதி போட்டியில், பிரான்ஸ் நாட்டின் மன் பில்ஸ், இத்தாலி நாட்டின் மேட்டேரி பெரிட்டினி மோதினார்கள். இதில், பெரிட்டினி 3-6, 6-3, 6-2, 3-6, 7-6 (7-5) என்ற செட் கணக்கில் மான் பில்சை வீழ்த்தி முதல் முறையாக அமெரிக்க ஓபன் அரையிறுதிக்கு முன்னேறினார்.
அரையிறுதி ஆட்டத்தில் நடால் - பெரிட்டினி மோதுகிறார்கள். மற்றொரு அரையிறுதியில் மெட்வதேவ் (ரஷியா)- டிமிட்ரோவ் (பல்கேரியா) மோதுகிறார்கள்.
