பூரி ஜெகன்நாத் இயக்கத்தில் தெலுங்கு நடிகர் ஹீரோ விஜய் தேவரகொண்டா லைகர் படத்தில் நடித்துள்ளார். அவரது ஜோடியாக பாலிவுட் நடிகை அனன்யா பாண்டே நடித்துள்ளார். இந்த படத்தில் உலக குத்துச்சண்டை வீரர் மைக் டைசன் நடித்துள்ளார்.

ஒரு டீக்கடை வியாபாரியாக இருந்து இந்திய பாக்ஸராக எம் எம் ஏ பட்டத்தை எப்படி வெல்கிறார் என்பதே இந்த படத்தின் அடிப்படையாகக் கொண்டு உருவாக்கப்பட்டுள்ளது. இந்த படம் வரும் ஆகஸ்ட் 25ஆம் தேதி வெளியாக உள்ளது.

இதன் புரோமோஷன் பணிகள் தீவிரமடைந்து உள்ளன. இந்நிலையில் விஜய் தேவரகொண்டா ,அனன்யா பாண்டே கலந்து கொண்ட காபி வித் கரன் நிகழ்ச்சியின் புரோமோ வெளியாகி வைரல் ஆகி வருகிறது. பாலிவுட்டில் பிரபல இயக்குனராக இருக்கும் கரண் ஜோகரின், காபி வித் கரண் நிகழ்ச்சியில் பிரபலங்கள் பலரும் கலந்து கொண்டு வருகின்றனர். சமீபத்தில் சமந்தா,அக்‌ஷய் குமார் கலந்து கொண்ட வீடியோக்கள் ரசிகர்கள் மத்தியில் பிரபலமடைந்தது.

கரண் ஜோகரின் அந்த புரோமோவில், கடைசியாக எப்போது உடலுறவு கொண்டீர்கள் என விஜய் தேவரகொண்டாவிடம் கரண் கேட்கிறார். அதற்கு சிரித்துக் கொண்டே பதில் அளிக்கும் விஜய் தேவார கொண்டா இந்த கேள்வி வேண்டாம் என பதிலளிக்கிறார். இறுதியில் கார் என்கிறார் நாயகன். அதற்கு காருக்குள் மூவருமா கேள்வி எழுப்புகிறார் கரண். இல்லை என மறுப்புரைக்கிறார் விஜய் தேவரகொண்டா.

இந்த வீடியோ காபி வித் கரண் நிகழ்ச்சி குறித்த ப்ரோமோ எதிர்பார்ப்பை எகிற வைத்துள்ளது. ஆனால் விஜய் தேவார கொண்டாவின் பர்சனல் லைப் குறித்த கரணின் கேள்வி நிச்சயம் சர்ச்சையை உண்டாக்கும் என கூறப்படுகிறது.